Poetry Archives
@ eMule.com
      
advanced
tips
   
 Poetry » Classic Poets » Robert Burns »
 A Health To Ane I Loe Dear
 E-Mail  Printable View

A Health To Ane I Loe Dear
by Robert Burns

Chorus-Here's a health to ane I loe dear,
Here's a health to ane I loe dear;
Thou art sweet as the smile when fond lovers meet,
And soft as their parting tear-Jessy.

Altho' thou maun never be mine,
Altho' even hope is denied;
'Tis sweeter for thee despairing,
Than ought in the world beside-Jessy.
Here's a health, &c.

I mourn thro' the gay, gaudy day,
As hopeless I muse on thy charms;
But welcome the dream o' sweet slumber,
For then I am lockt in thine arms-Jessy.
Here's a health, &c.

I guess by the dear angel smile,
I guess by the love-rolling e'e;
But why urge the tender confession,
'Gainst Fortune's fell, cruel decree?-Jessy.
Here's a health, &c.