Poetry Archives
@ eMule.com
      
advanced
tips
   
 Poetry » Classic Poets » Robert Burns »
 O, Were My Love
 E-Mail  Printable View

O, Were My Love
by Robert Burns

O, were my love yon lilac fair
Wi' purple blossoms to the spring,
And I a bird to shelter there,
When wearied on my little wing.
How I wad mourn when it was torn
By Autumn wild and Winter rude!
But I wad sing on wanton wing
When youthfu May its bloom renew'd.

O, gin my love were yon red rose,
That grows upon the castle wa',
And I mysel a drap o' dew
Into her bonie breast to fa',
O, there, beyond expression blest,
I'd feast on beauty a' the night,
Seal'd on her silk-saft faulds to rest,
Till fley'd awa by Phoebus' light!